The essential resource for Tbilisi’s curious locals
- This event has passed.
[GEO] DataFest Tbilisi meetup: Customer-centric AI Governance
June 28 @ 4:00 pm – 7:00 pm
This event will be in Georgian.
DataFest Tbilisi, საქართველოს ბანკის მხარდაჭერით, გიწვევთ ვორქშოპზე: **მომხმარებელზე ორიენტირებული AI მმართველობა (Customer-centric AI Governance).**
ვორქშოპი განკუთვნილია ხელოვნური ინტელექტის ინჟინრებისთვის, კომპანიების ხელმძღვანელებისა და ხელოვნური ინტელექტის თემით დაინტერესებული ადამიანებისთვის. ვორქშოპზე განვიხილავთ ისეთ კონცეფციებს, როგორიცაა AI მმართველობა და მომხმარებელზე ორიენტირებულობა, და მათ კავშირს სხვა მნიშვნელოვან თემებთან. გაიგებთ, როგორ დაიწყოთ AI მმართველობის პროცესების დანერგვა თქვენს კომპანიაში და რა ცვლილებებია საჭირო ამ ტექნოლოგიისგან საუკეთესო შედეგის მისაღებად. მომხმარებელზე ორიენტირებული AI მმართველობა პრიორიტეტს ანიჭებს მომხმარებელთა სპეციფიკურ საჭიროებებს. ეს მიდგომა განსხვავდება სხვა მეთოდებისგან, რადგან ის ბიზნესს უყენებს მკაფიო და შესრულებად მოთხოვნებს, რაც მას რეალისტურ მიზნად აქცევს. მომხმარებელთა უკუკავშირისა და პრეფერენციების AI სისტემებში ინტეგრაცია კი უფრო პერსონალიზებულ და ეფექტურ გადაწყვეტილებებს ქმნის. ამასთან, ეთიკური სტანდარტებისა და რეგულაციების დაკმაყოფილება პროცესის ბუნებრივი ნაწილი ხდება. მომხმარებელზე ორიენტირებული AI მმართველობა ხელს უწყობს მომხმარებლებთან ურთიერთობების გამყარებას, მუდმივ გაუმჯობესებასა და ინოვაციებს, რაც უზრუნველყოფს, რომ AI ტექნოლოგიები სრულფასოვნად ემსახურებოდეს მათ, ვისთვისაც ისაა შექმნილი.
ვორქშოპს გაუძღვება **ანა ჩუბინიძე, AdalanAI-ის დამფუძნებელი და დირექტორი.** AdalanAI ხელოვნური ინტელექტის მმართველობის თემებზე მუშაობს. ანა, ასევე, არის Springer Nature-ის “ხელოვნური ინტელექტისა და ეთიკის” ჟურნალის დამფუძნებელი სარედაქციო საბჭოს წევრი.
ვორქშოპი ჩატარდება **28 ივნისს, 4-დან 7 საათამდე**, ჰიბრიდულ რეჟიმში (Zoom-ის პლატფორმის საშუალებით და 4B-ის შენობაში: ალ. ყაზბეგის 15-ში).
ღონისძიებაზე დასასწრებად საჭიროა რეგისტრაციის გავლა: https://us06web.zoom.us/meeting/register/tZYpd-mgrDsqG9zCuncHO8xjrbqmLcJiX2tm
ღონისძიებაზე ონლაინ დასწრების ბმულს ყველა დარეგისტრირებული მიიღებს, ხოლო, თუკი გსურთ, შეხვედრას ფიზიკურ სივრცეში დაესწროთ, გთხოვთ, მიუთითოთ რეგისტრაციისას და დაელოდოთ დასტურის მეილს.
ვორქშოპის სამუშაო ენაა ქართული.